تطبيق مجاني · أندرويد وآيفون
برنامج قطارات مصر: اعرف القطر وصل فين
اعرف القطر وصل فين ومتأخر قد إيه من الركاب اللي جواه، ورقم الرصيف قبل ما توصل المحطة، وتنبيه قبل محطتك.
- 4.7 على Google Play
- +100 ألف تنزيل
- من غير تسجيل
اعرف القطر وصل فين وتأخيره لحظة بلحظة
الركاب اللي جوه القطر بيشاركوا مكانه، فتشوفه على الخريطة وتعرف وصل أنهي محطة ومتأخر كام دقيقة. يعني حركة القطارات الآن من ركاب حقيقيين. مواعيد قطار 982 ومحطات وقوفه
- التأخير دلوقتي وسجل تأخير القطار في الأيام اللي فاتت
- لو محدش بيشارك، القطار بيمشي بالمواعيد الرسمية والتطبيق بيقولك كده
- المشاركة بزرار واحد، والناس بتشوف مكان القطار مش مكانك
رقم الرصيف قبل ما توصل المحطة
الركاب بيبلغوا عن رصيف كل قطار ويأكدوه، وبيظهر جنب ميعاد القيام والوصول. مواعيد قطارات محطة رمسيس
- القطارات الجاية في المحطة ورصيف كل قطار
- لو الرصيف اتغير، أي راكب يقدر يبلغ
- المحطة على الخريطة والاتجاهات ليها والمترو اللي جنبها
نبهني قبل محطتي
اختار محطة نزولك، والتطبيق ينبهك قبل ما القطار يوصلها.
- التنبيه قبلها بـ5 أو 10 أو 15 كيلو
- شغال حتى لو التطبيق مقفول
- وتقدر تخليه ينبهك في المحطات الوسطية كمان
كل القطارات بين محطتين بالمواعيد والأسعار
اختار محطة القيام والوصول، وشوف كل القطارات بميعاد القيام والوصول ومدة الرحلة وسعر كل درجة. مواعيد قطارات القاهرة الاسكندرية
- رتّب بالقيام أو الوصول أو الأسرع
- لو مفيش قطار مباشر، التطبيق يقترح رحلة بقطارين وتبديل واحد
- احفظ رحلاتك في المفضلة
مميزات برنامج مواعيد القطارات
المواعيد من غير نت
مواعيد القطارات والمحطات محفوظة على موبايلك.
الكراسي الفاضية
اعرف لسه فيه أماكن ولا لأ قبل ما تحجز.
شكل العربات
توزيع الكراسي وكبائن النوم بالصور.
شات القطار
اسأل الركاب اللي جوه القطار.
أقرب محطة
أقرب محطة ليك والاتجاهات لحد بابها.
حاسبة الاشتراكات
اشتراك الشهر أو السنة للطالب والموظف.
البحث بالصوت
قول اسم المحطة أو رقم القطار.
مشاركة المواعيد
ابعت مواعيد القطار صورة على واتساب.
تحميل برنامج قطارات مصر
- مجاني بالكامل
- من غير تسجيل ولا رقم تليفون ولا إيميل
- بالعربي والإنجليزي، وفيه الوضع الليلي
نزّله من Google Play أو App Store بس، وماتنزلش ملف APK من أي موقع.
خصوصيتك
- مفيش تسجيل: التطبيق بيعمل عضوية لوحده من غير رقم ولا إيميل.
- موقعك بيتستخدم وأنت بتشارك مكان القطار بس، والناس بتشوف مكان القطار مش مكانك.
- مابنستخدمش موقعك في الإعلانات.
- تقدر تمسح حسابك في أي وقت.
تطبيق سكك حديد مصر الرسمي ولا قطارات مصر؟
تطبيق سكك حديد مصر (الرسمي)
بتاع الهيئة القومية لسكك حديد مصر، ومنه بتحجز التذكرة وتدفع، من 15 يوم قبل الرحلة لحد 12 ساعة قبل القيام.
قطارات مصر (EgyptTrains)
تطبيق مستقل بيساعدك قبل الرحلة وأثناءها: مواعيد كل القطارات، والقطر وصل فين، ورقم الرصيف، وتنبيه قبل محطتك. ومابيبيعش تذاكر.
أسئلة عن برنامج قطارات مصر
إزاي أعرف القطر وصل فين؟
من برنامج قطارات مصر: افتح القطار وهتلاقي مكانه وتأخيره من الركاب اللي جواه لحظة بلحظة. ولو مفيش حد بيشارك، بيمشي على الخريطة بالمواعيد الرسمية.
هل قطارات مصر هو تطبيق سكك حديد مصر الرسمي؟
لأ. قطارات مصر (EgyptTrains) تطبيق مستقل ومش تابع للهيئة القومية لسكك حديد مصر. التطبيق الرسمي بتاع الهيئة هو اللي بتحجز منه التذكرة.
أحجز تذاكر القطار من أنهي تطبيق؟
من تطبيق سكك حديد مصر الرسمي أو موقع obs.enr.gov.eg، من 15 يوم قبل الرحلة لحد 12 ساعة قبل القيام، أو بالتليفون على 1661 لحد ساعة قبل القطار. قطارات مصر بيوريك الأماكن الفاضية بس، ومابيحجزش.
إزاي أحمل برنامج قطارات مصر على الآيفون والأندرويد؟
ابحث عن «قطارات مصر» في Google Play أو App Store، أو دوس زرار المتجر في الصفحة دي. التطبيق مجاني.
هل برنامج قطارات مصر مجاني؟
أيوه، مجاني بالكامل على أندرويد والآيفون، وبيعرض إعلانات.